555 milljóna króna hagnaður af starfsemi Tækifæris hf.

Aðalfundur Tækifæris hf. var haldinn þriðjudaginn 2. maí 2017. 

 Á fundinum var samþykkt að fækka stjórnarmönnum úr fimm í þrjá.  Halldór Jóhannsson var kjörinn stjórnarformaður og aðrir stjórnarmenn Sverir Gestsson og Harpa Samúelsdóttir. Halldór og Harpa eru ný í stjórn félagsins.  Út stjórn gengu Steingrímur Birgisson, Albertína Friðbjörg Elíasdóttir, Óðinn Árnason og Erla Björg Guðmundsdóttir.

 555 milljóna króna hagnaður varð af starfsemi Tækifæris árið 2016, samanborið við 384 milljóna króna hagnað árið áður.   Heildareignir félagsins í árslok voru um 1.550 milljónir. 

Um Tækifæri hf.

Tækifæri hf. er fjárfestingafélag sem fjárfestir í nýsköpun á Norðurlandi. Stærstu eigendur Tækifæris eru KEA svf., Stapi lífeyrissjóður og Íslensk verðbréf.  Íslensk verðbréf sjá um daglegan rekstur félagsins og er Jón Steindór Árnason framkvæmdastjóri Tækifæris hf. 

Stefna Tækifæris er að fjárfesta í nýsköpun eða nýmæli í atvinnulífi á Norðurlandi. Verkefni þurfa að fela í sér ávöxtunarmöguleika og arðsemi fjármagns með hliðsjón af þeirri áhættu sem í þeim felst.

Nánari upplýsingar veitir: Jón Steindór Árnason, framkvæmdastjóri Tækifæris, í síma 460 4700.  Frekari upplýsingar um Tækifæri hf. er að finna á heimasíðu félagsins www.taekifaeri.is.